MiniMax 2025 AI 黑客松（香港站）

關於比賽 MiniMax 2025 AI 黑客松係香港首個對所有人開放嘅 AI 主題黑客松活動，無論你係專業人士定只係對 AI 行業有興趣、有熱情，都非常歡迎參加。配合 MiniMax 提供嘅頂尖 AI 工具，包括文字、圖像、影片、聲音，甚至音樂，我哋相信每個人都可以用創意去突破 AI 嘅界限。 多謝香港政商界大力支持，我哋好期待見到啲唔單止能夠解決實際問題，仲具有社會同商業價值嘅精彩項目。 本次活動免費參加，對所有人開放。除咗有獎金同 MiniMax 點數之外，表現優秀嘅參加者仲有機會直接向頂尖投資人展示你嘅創意，甚至有機會獲得創業資金！   活動形式 1. 賽道設計 今次黑客松設有兩條賽道：開發者賽道（Developer Track）同創作者賽道（Creator Track），適合有或冇編程經驗嘅朋友參加。 唔知邊條賽道啱你？ 👉 如果你識寫程式，或者有基本編碼知識，想用 AI 工具整啲真係有用、解決現實問題、對社會有貢獻嘅作品——開發者賽道就最啱你！ 👉 如果你唔識寫 code，但成日諗到啲勁正嘅創意，想透過 AI 幫手整片、搞音樂表達你嘅想法——創作者賽道就係為你而設！   2. 主題

開發者賽道：「打造未來 AI Agent」

創作者賽道：「感知的交響曲」（The Symphony of Sentience）

  3. 獎項類別 開發者賽道（Developer Track）

冠/亞/季軍：根據技術實力、創意、實用性同展示表現，頒發予整體表現最出色嘅三個項目

最佳社會貢獻獎：表彰最能解決社會或社區需要嘅項目

最佳實用性獎：頒發予最實用、可即時應用嘅項目

最佳商業潛力獎：頒發予最有商業價值潛力嘅作品

最佳 AI 創新應用獎：表彰最有突破性、創新性或技術性嘅 AI 應用，或者係對現有工具有創新性改良嘅作品

創作者賽道（Creator Track – 電影方向）

最佳故事敘事獎：頒發畀故事或結構最吸引人嘅作品

最佳視覺效果獎：表彰畫面最震撼、技術最出色嘅作品

最佳實驗創作獎：表揚大膽創新、風格獨特（抽象、超現實等）嘅作品

最佳技術創新獎：頒發予對 AI 工具或創作流程運用得最有深度、最創新嘅創作者

最佳廣告影片獎（待定）：表揚最出色嘅 AI 廣告、宣傳片或品牌概念影片

最佳配音演繹獎：頒發予配音表現出色嘅作品，包括角色配音、對口型、多語言演繹等